Santu Matheu est su primu chi hat iscrittu s'evangeliu. No b'hat cuncoldia po su logu inue siat naschidu: B'est chie sustenet chi siat naschidu in Levi (Cafarnao) a fin' 'e su primu seculu d.C., e chie sustenet chi siat originariu de s'Etiopia, inue si suponet chi siat naschidu a metad' 'e su primu seculu d.C.

Sa tradizione cristiana riconnoschet in modu unanime comente autore de su s'evangeliu sigundu Matheu, inue su matessi 'enit giamadu Levi o pubblicanu.

De professione faghiat s'esattore 'e sas tassas, e fu', ducas, fud' unu de sos membros de sas categorias pius odiadas dae su populu ebraicu. In effeti a cussu tempus sos esattores de sas tassas pagaian' in anticipu a s'erariu romanu sas tassas de su populu e poi si rifaghian' comente usurarios tartassende sa zente (oe diat a esser' dipendente de EQUITALIA), ma cando che l'hat giamadu "su mastru" a esser' unu de sos 12 apostulos. Tzeltos autores de sa critica biblica moderna cuntestan' cust'identificazione e in sas opiniones subra s'identidade de s'evangelista no b'hat cuncoldia. 

Generalmente 'enit pintadu anzianu e cun s''alba longa, tenet comente emblema un'anghelu chi l'ispirat (coment'est custu a costazos pintadu da EMILIO SCHERER in sa Creja mazore de Tresnuraghes), est PATRONU 'e sos BANCHIERIS e foltzis po cussu custu periodo sas bancas sun' diventadas peus de sos usurarios ...... si puru su tempus paret chi lis siat fininde