SU MOTO in moto IMMOTO



Est unu mezzo de cullegamentu SPAZIO-TEMPORALE.

Aristotile su Grecu hat teorizadu sa possibilidade de unu MOTO IMMOTO chi movet sos chelos chentza esser' movidu. Custu MOTORE IMMOBILE no podet esser' suttapostu a movimentu, si no diat a richieder' una "causa motrice" chi dierat rejone de su mover' sou: Si diat a poder' postulare s'esistenzia de una causa prima chi siat immobile e eterna. Po Aristotile su movimentu chi pius assimizad' a s'immobilidade est su moto circolare,proponinde, a modu sou, sa cuncezione de su tempus comente unu circulu inue totu torrat. Su chi est, ducas, hat a esser' semper'.

Dogni tradizione - chi in fundu ateru no est che un adamentu istoricu de un' unica Tradizione Primordiale chi aunit comente unu filu ruggiu Oriente e Occidente - sustenet sa divisione de su tempus in eras ciclicas, inue sa vida umana acquistat una dimensione precisa e unu significadu chiaru. Primu chi esserat naschida sa filosofia - gai comente l'intendimos da Socrate in poi - si possedian' totu sas veridades fundamentales chi si sun' poi perdidas o ilmentrigadas, cun s'eccezione de calchi èlite iniziatica isolada. Sos grecos han' assimiladu sas cogniziones subra sa ciclicidad' 'e su tempus da sos Egizios e, cun meda probabilidade finas da sos Indù.