GUARDADEBOS de non fagher sa justitia bostra
in cara de sos homines, pro esser bidos da ipsos,
ateramente non hazis a tenner sa ricumpensa dai Babbu
bostru qui est in sos Chelos.
2 Quando edducas faghes sa limosina, non querfas
sonare cum sa trumba innantis tou, comente faghent sos
ipocritas in sas sinagogas, et in sas carrelas, pro esser
onorificados dai sos homines : bos naro in veridade, qui
hant recidu sa paga ipsoro.
3 Quando però tue faghes limosina, non iscat sa
manu manca tua su qui faghet sa dextra tua.
4 De modu qui sa limosina tua siat in segretu: et i
su Babbu tou qui bidet in segretu ti recumpenset.
5 Et quando pregades​, non siedas comente i sos
ipocritas, qui amant de istare preghende in sas sinagogas,
et in sos chizolos de sas piattas, a tales qui siant bidos dai
sos homines: bos naro in veridade qui hant recidu sa
paga ipsoro.
6 Tue però quando pregas intra in s' appusentu tou,
et serrada sa janna, prega a Babbu tou in segretu; et
Babbu tou, qui bidet in segretu ti hat a recumpensare.
7 Quando pregades però non faeddedas meda, comente
faghent sos paganos, proite pensant qui in su meda
faeddare ipsoro siant exaudidos.
8 Non bos querfedas edducas assimizare ad ipsos :
proite qui su Babbu bostru ischit, su qui est necessariu a
bois, prima qui bilu dimandedas.
9 Bois edducas gosi hazis a pregare:
Babbu nostru qui ses in sos Cbelos:
sanctificadu siat su nomen tou.
10 Benzat a nois su regnu tou: facta siat sa voluntade tua,
comente in su Chelu, et in sa terra.
11 Su pane nostru de ogni die danoslu hoe.
12 Et perdonanos sos peccados nostros, comente et
nois perdonamus ad sos inimigos nostros.
13 Et no nos lexas a ruere in tentatione: ma liberanos
dai male. Gasi siat.
14 Proite si hazis a perdonare ad sos homines sos
peccados ipsoro: su Babbu bostru celeste hàt a perdonare
et a bois sos peccados bostros.
15 Si però non hazis a perdonare ad sos homines: nè
i su Babbu bostru hat a perdonare a bois sos peccados
bostros.
16 Quando però deinades, non querfedas fagber comente
et i sos ipocritas annuzados: proite qui isfigurant
sas caras ipsoro pro cumparrere dainantis cum sos homines.
Bos naro in veridade, qui hant recidu sa paga
ipsoro.
17 Tue però quando deinas, unghe sa testa tua, et
samuna sa cara tua.
18 Pro non cumparrer qui deinas ad sos homines, ma
ad su Babbu tou, qui est in segretu: et Babbu tou qui
est in segretu, ti hat a dare sa paga :
19 Non querfedas ammuntonare a bois tesoros in sa
terra: ue su ruinzu, et i sa tarula consumit : et ue sos
ladros isfossant, et furant.
20 Ammuntonade però a bois tesoros in su Chelu, ue
nè i su ruinzu, nè i sa tarula consumit, et ue sos ladros
non isfossant, nen furant.
21 Proite qui ue est su tesoro tou, et in cuddae est
su coro tou.
22 Sa lampana de su corpus tou est s' oju tou. Si
s' oju tou hat esser simplice, totu su corpus tou det esser
lughente.
23 Si però s' oju tou hat esser malu, totu su corpus
tou det esser tenebrosu. Si edducas sa lughe qui est in
te, sunt tenebras, sas matepsi tenebras quantu dent
essere ?
24 Niune podet servire a duos padronos: proite qui
o ad unu hat a tenner odiu, et i s' ateru hat amare; o ad
unu hat a carignare, et i s' ateru hat a dispretiare. Non
podides servire a Deus, et ad sas ricchesas.
25 Pro cussu bos naro, non siedas sollicitos de s' anima
bostra de ite mandighedas, nen de su corpus de ite su
quil'hazis a bestire. Forsis s' anima non est plus qui non
s' alimentu: et i su corpus non est plus de sa bestimenta ?
26 Abbaidade ad sos puzones de sas aeras, proite non
semenant, nen messant, nen incunzant in sos horreos : et i
su Babbu bostru celeste los paschet. Forsis bois non
sezis plus de cussos ?
27 Quie però de bois qui pensat podet adjungher ad
s' istatura sua unu cuidu ?
28 Et de sa bestimenta, proite dezis istare sollicitos ?
Considerade sos lizos de su campu, comente creschent :
non trabagliant, et non filant.
29 Bos naro però, qui nè mancu Salamone in tota sa
gloria sua, fuit cobertu comente unu de custos.
30 Si edducas su fenu de su campu, qui hoe est, et
cras si ponet in su furru, Deus gasi lu bestit: quantu
plus bois de paga fide, qui sezis ?
31 Non querfedas edducas esser sollicitos, nende: Ite
hamus a mandigare, o ite hamus a biere, o cum ite nos
hamus a coberrer?
32 Proite totu custas cosas quircant sos Gentiles.
Proite su Babbu bostru ischit qui tenides bisonzu de totu
custas cosas.
33 Chircade edducas primu su regnu de Deus, et i sa
justitia sua: et totu custas cosas bos hant a supravenner.
34 Non querfedas edducas esser sollicitos de sa die
de cras. Proite sa die de cras devet pensare ad ipsa et
totu: bastat ad sa die sa malitia sua.