IN cussas dies pustis benzesit Johanne Baptista preighende
in su desertu de sa Judea,
2 Et narzènde : Faghide penitentia : proite s' acculziat
su regnu de sos Chelos.
3 Proite custu est de su quale hat faeddadu Isaja
Propheta nende : Sa boghe de su qui preigat in su
desertu: Preparade sa via de su Segnore : faghide
derectas sas semidas suas.
4 Su matepsi Johanne però haiat sa bestimenta de
pilos de camelu, et una chintorza de pedde ad sos lumbos
suos: su cibu sou però fuint tilipisches, et mele silvaticu.
5 Tando bessiat ad ue fit ipsu Jerusalem, et tota sa
Judea, et totu su paesu in giru de su Jordanu,
6 Et si baptizaiant da ipsu in su Jordanu, confessende,
sos peccados ipsoro.
7 Bidende però medas de sos Phariseos, et de sos
Sadduceos, qui beniant ad su baptizu sou, lis nesit: Repula
de piberas, quie bos hat ammustradu de fuire dai sa
ventura Ira .
8 Faghide edducas fructu dignu de penitentia. ;
9 Et non querfedas narrer inter bois : Hamus pro
babbu ad Abrahamu: proite bos naro qui Deus podet
bogare dai custas pedras sos fizos ad Abrahamu.
10 Proite sa bistrale ja est posta a sa raighina de sas
arvures. Ducas ogni arvure qui non faghet fructu bonu
si hat a segare, et si hat a bettare in su fogu.
11 Eo certamente bos baptizo cum s' abba pro sa
penitentia: cuddu però qui hat a benner pustis de me,
est plus forte de me, de su quale non so dignu de portare
sa calzamenta: ipse bos hat a baptizare cum s' Ispiritu
Sanctu, et cum su fogu.
12 Ipse hat in manu su triuttu, et hat a purgare
s' arzola sua, et hat a congregare su trigu sou in s' horriu ;
sa paza però l' hat a brujare cum fogu inestinguibile.
13 Tando benzesit Jesus dai Galilea in su Jordanu
dai Johanne pro esser baptizadu da ipsu.
14 Johanne però lu impediat, nende: Eo dep' esser
baptizadu dai te; et tue benis a mie ?
15 Jesus però rispondende li nesit : Laxami pro como:
proite qui gasi nos deghet de cumplire tota sa justitia.
Tando lu laxesit.
16 Baptizadu però Jesus, subitu bessesit dai s'abba:
et ecco qui si li sunt abbertos sos Chelos: et bidesit
s' Ispiritu de Deus falende comente una columba, et
benzende subra de ipsu.
17 Et ecco una boghe dai sos Chelos nende: Custu
est su fizu meu dilectu in su quale mi so compiaghidu.