SU sero poi de su sapadu, avreschende ad su primu
Sapadu, benzesit Maria Madalena, et s' atera Maria
pro bider sa sepultura.
2 Et eccosi factesit unu grande terremotu. In veridade
s' Anghelu de su Segnore falesit dae su Chelu: Et
accostendesi movesit sa lapide, et istaiat sezzidu subra sua.
3 Fit però s' aspectu sou comente unu lampu, et su
bestire sou comente su nie.
4 Pro su timore sou poi si sunt ispaventadas sas
guardias, et restesint comente mortas.
5 Rispondende però s' anghelu, naresit ad sas feminas:
Bois ateras non timedas: Isco inveridade qui chircades
ad Jesus, qui est crucificadu.
6 Non est inoghe : est resuscitadu inveridade, comente
l' haiat nadu: Benide, et mirade su logu inue fit postu su
Segnore.
7 Et subitu andende nade ad sos discipulos suos, qui
est resuscitadu, et ecco qui bos precedit in Galilea : inie
l' hazis ad bidere: ecco qui bos l' hapo annuntiadu.
8 Et sinde bessesint subitu dae sa sepultura, cum
paura, et cum grande allegria, currende pro l' annuntiare
ad sos discipulos suos.
9 Et ecco qui Jesus las incontresit, narende: Deus
bos salvet. Ipsas poi s' accostesint, et si bettesint ad sos
pes suos, et l' adoresint.
1O Tando lis narat Jesus : Non timedas ; andade, et
annuntiade ad frades mios, qui andent ad Galilea, inie
mi dent bidere.
11 Sas quales essende andadas, ecco qui certos
de sas guardias benzesint ad sa cittade, et annuntiesint .
ad sos principes de sos sacerdotes totu su qui fit
successu.
12 Et essendesi cungregados cum sos cabos de su
populu, factu su concertu, desint meda dinari ad sos
soldados,
13 Narende: Nade qui sos discipulos suos sunt
bennidos de nocte, et lu hant furadu, in su mentras qui nois
dormiaimus.
14 Et si custa cosa det esser intesa dae su Presidente,
nois lu demus persuadire, et demus salvare ad
bois ateros.
15 Ma ipsos hapende recidu su dinari, factesint
comente fint consizados. Et si divulghesit custa paraula
in totu sos Judeos. finzas ad sa die de hoe.
16 Sos undighi discipulos poi andesint ad Galilea in
su monte, ad inue lis haiat ordinadu Jesus.
17 Et bidendelu lu adoresint : certos unos poi nde
dubitesint.
18 Et accostendesi Jesus lis faeddesit, narende: Mi
est istadu cuncedidu ogni podere in su Chelu, et in sa
terra.
19 Andende edducas imparade tota sa gente,
baptizendela in nomen de su Babbu, et de su Fizu,et
de s' Ispiritu Sanctu.
20 lmparendeli de observare totu cuddas cosas, qui
eo cumandesi ad bois ateros. Et ecco qui eo so cum bois
ogni die, finzas ad su fine de su seculu.

​
​
FINE​