ET rispondende Jesus lis faeddesit de nou in similitudines,
narende:
2 Su regnu de sos Chelos est factu simile ad un' homine re,
qui factesit s' isposalitiu ad su fizu sou.
3 Et mandesit sos servidores suos pro jamare sos
cumbidados ad s'isposalitiu, et non cheriant bennere.
4 De pius mandesit ateros servidores, narende: Nade
ad sos cumbidados : Ecco qui hapo apparizzadu su pranzu
meu, sos traos mios, et bestias rassas sunt bocchidas, et
ogni cosa est apparizzada: Benide ad s' isposalitiu.
5 Ipsos poi trascuresint: Et sind' andesint, atere ad
sa possessione sua, et atere ad su negotiu sou.
6 Sos restantes poi lesint sos servidores suos, et hapendelos
barriados de vituperios los bocchesint.
7 Su re poi hapende intesu custu, s' est airadu: Et
hapende mandadu sos exercitos suos, isperdesit cuddos
homicidas, et incendiesit sa cittade ipsoro.
8 Ad s' hora narat ad sos servidores suos: s' isposalitiu
certamente est preparadu, ma sos qui fint cumbidados,
nò istesint dignos.
9 Andade edducas peri sas bessidas de sas carreras, et
ad quiesisiat hapedas incontradu, jamade ad s' isposalitiu.
10 Et essende andados sos servidores suos peri sas
carreras, cungreghesint totu sos qui incontresint, malos,
et bonos: Et s' isposalitiu istesit pienu de cumbidados.
11 Intresit poi su re pro bidere sos cumbidados, et
bidesit inie un' homine non bestidu de sa beste nuptiale.
12 Et li narat: Amigu, comente ses intradu ad
inoghe non hapende sa beste nuptiale ? ma cuddu si
cagliesit.
13 Tando naresit su re ad sos ministros: Ligadas
sas manos,et sos pes suos, bettadequelu insas tenebras exteriores:
Inie bi det esser su piantu, et s'istriore de sas dentes.
14 Medas inveridade sunt sos jamados, pagos però
sos eligidos.
15 Tando sos Phariseos andendesinde, factesint consizu
pro lu accoglire in faeddu.
16 Et li mandant sos discipulos ipsoro cum sos
Herodianos, narende: Mastru, ischimus qui ses veridadosu,
et imparas in veridade sa via de Deus, et non ti
curas de niune: Certamente non miras sa persona de sos
homines.
17 Naranos edducas su qui paret ad tie, est licitu
pagare su tributu ad Cesare, o nò ?
18 Jesus poi hapende connoschidu sa malignidade
ipsoro, narat: Ite tentades in me o ipocritas?
19 Mustrademi sa moneda de su tributu. Ma ipsos
li presentesint unu dinari.
20 Et lis narat Jesus : De quie est cust' immagine, et
su subr' iscriptu ?
21 Li narant: De Cesare. Ad s' hora lis narat :
Dade edducas su qui est de Cesare ad Cesare, et su qui
est de Deus ad Deus.
22 Et iscultende sinde maravigliesint, et hapendelu
laxadu sind' andesint.
23 In cussu die s' accostesint ad ipse sos Sadduceos,
sos quales narant, qui non si dat resurrectione: et lu
preguntesint,
24 Narende: Magistru,Moyses naresit: Si qualecunu
det morrer nò hapende fizu, qui su frade sou si cojuet
cum sa muzere sua, et suscitet sa successione ad su
frade sou.
25 S' incontraiant intantu cum nois septe frades: Et
su primu essendesi cojuadu, morzesit: Et nò hapende
successione, laxesit sa muzere sua ad su frade sou.
26 Similmente su segundu, et su terzu, finzas ad su
septimu.
27 Ultimamente poi de totu, est morta sa femina.
28 In sa resurrectione edducas de quie de custos
septe det esser muzere ? Totu inveridade l' hapesint.
29 Rispondende però Jesus, lis narat: Errades, non
ischende sas iscripturas, nè sa virtude de Deus.
30 Inveridade in sa resurrectione, nè i sas feminas
leant maridu, nè i sos homines leant muzere: Ma
dent esser comente i sos Anghelos de Deus in su
Chelu.
31 De sa resurrectione poi de sos mortos no hazis
legidu su qui Deus hat faeddadu narendebos:
32 Eo sò su Deus de Abrahamu, et su Deus de
Isacu, et su Deus de Jacobe? Non est su Deus de 808
mortos, ma benesì de 808 viventes.
33 Et iscultende sas turbas, si maravigliaiant de sa
doctrina sua.
34 Sos Phariseos poi intendende qui haiat impostu
silentiu ad sos Sadduceos, si radunesint totu umpare :
35 Et lu preguntesit unu de ipsos Doctore de sa
legge, tentendelu :
36 Magistru, qual' est su grande cumandamentu de
sa legge ?
37 Li narat Jesus: Des amare su Segnore Deus tou
de totu su coro tou, et in tota s' anima tua, et in tota sa
mente tua.
38 Custu 'est su plus mannu, et su primu preceptu.
39 Su segundu poi est simile ad custu: Des amare
su proximu tou comente ad tie matepsi.
40 In custos duos cumandamentos si cuntenit tota sa
legge, et sos Prophetas.
41 Essendesi poi cungregados sos Phariseos,
los preguntesit Jesus,
42 Narende: Ite bos paret de Christos? fizu de quie
est ? Li narant: De Davidde.
43 Lis rispondet: Comente edducas Davidde in
ispiritu lu jamat Segnore, narende :
44 Su Segnore naresit ad su Segnore meu: Sezzidi
ad sa manu deretta mia, finzas qui ponza sos inimigos
tuos comente banchittu de sos pes tuos ?
45 Si edducas Davidde lu jamat Segnorc, comente
est fizu sou ?
46 Et niunu li podiat rispondere una paraula: Nè
niunu dae cussa die s' est plus attrividu de lu preguntare.​