SIMILE est su regnu de sos Chelos ad un' homine​
babbu de familia, su quale bessesit ad primu manzanu​
ad jugher maniales ad binza sua.​
2 Hapende poi factu su pactu cum sos maniales de​
unu dinari su die, los mandesit ad binza sua.​
3 Et bessidu circa s' hora terza, nde bidesit ateros,​
qui istaiant otiosos in piatta.​
4 Et lis naresit: Andade ancora bois ad binza mia,​
et bos hap' ad dare su qui det esser justu.​
5 Ipsos poi andesint. Bessesit intantu un atera​
bolta circa s' hora sexta, et nona, et factesit sa matepsi​
cosa.​
6 Bessesit poi circa s' hora undecima, et nd' incontresit​
ateros firmos, et lis naresit: Proite istades inoghe​
tota die otiosos?​
7 Li narant: Proite niunu nos juttesit. Lis narat :​
Andade bois puru ad binza mia.​
8 Essende poi bennidu su sero, narat su padronu de​
sa binza ad su procuradore sou: jama sos maniales, et​
dalis sa paga, principiende dae sos ultimos finzas ad sos​
primos.​
9 Essende bennidos edducas sos qui fint bennidos​
circa s' hora undecima, recesint cadaunos dinaris.​
10 Benzende poi et sos primos, hant cretidu qui​
deviant recire de pius: Recesint pero, et ipsos puru​
cadaunos dinaris.​
11 Et recendelos murmuraiant contra de su babbu de​
familia.​
12 Narende: Custos ultimos tribagliesint un'hora, et​
los has considerados uguales ad nois, qui hamus jutu su​
pesu de su die, et de s' istiu.​
13 Ma ipse rispondende ad unu de ipsos naresit:​
Amigu: Non ti facto injiuria: Forsi no has cumbennidu​
Cum megus pro unu dinari ?​
14 Lea su qui toccat ad tie, et bae: Cherzo poi dare,​
et ad cust' ultimu còmente ad tie.​
15 O non mi est licitu de fagher su qui eo cherzo ?​
Forsi s' oju tou est malu, qua eo so bonu ?​
16 Gasie dent esser sos ultimos primos, et sos primos​
ultimos: Medas in veridade sunt sos jamados, pagos, però​
sos elegidos.​
17 Et alzende Jesus ad Jerusalem, si lesit secretamente​
sos doighi discipl1los, et lis narat :​
18 Ecco qui alzamus ad Jerusalem, et su Fizu de​
s' homine det esser cunsignadu ad sos principes de sos​
sacerdotes, et sos iscribas, et lu dent cundemnare ad​
morte.​
19 Et lu dent cunsignare ad su populu pro lu beffare,​
et pro lu flagellare, et pro lu crucificare, et sa terza die​
det resuscitare.​
20 Tando s' accostesit ad ipse sa mama de sos fizos​
de Zebedeu cum sos fizos suos, adorende, et pedende​
qualqui cosa da ipse.​
21 Su quale li nesit: Ite cheres ? Li narat: Nara​
qui custos dues fizos mios si sezzant, unu ad sa manu​
deretta tua, et s' ateru ad sa manca in su regnu tou.​
22 Rispondende poi Jesus, naresit: Nò ischides ite​
cosa pededas: Podides biere su calighe, qui eo devo​
biere ? Li narant : Podimus.​
23 Lis narat: Su calighe meu dezis biere certamente:​
su sezzere poi ad sa manu deretta mia, o ad sa​
manca, non toccat ad mie de lu dare ad bois, ma ai​
cuddos, qui est dispostu dae Babbu meu.​
24 Et iscultende sos deghe si sunt risentidos contra​
de sos duos frades.​
25 Jesus poi los jamesit ad ipse, et narat: Ischides,​
qui sos principes de sas nationes padronizant subra de​
ipsos : Et sos qui sunt pius mannos, exercitant sa​
podestade in ipsos.​
26 Non gasie det esser inter bois : Ma qualesisiat​
inter bois cherferet esser su pius mannn, det esser su​
ministru bostru.​
27 Et quie inter bois cherferet esser su primu, det​
esser su servidore bostru.​
28 Comente su fizu de s' homine non est bennidu pro​
esser servidu, ma pro servire, et dare s' anima sua pro sa​
redemptione de totu.​
29 Et bessende ipsos dae Jerico, lu sighesit meda​
turba.​
30 Et ecco duos cegos, istaiant sezzidos adprobe ad​
su caminu, intendesint, qui passaiat Jesus, et alzesint sa​
boghe narende : Segnore, tene cumpassione de nois, o​
fizu de Davidde.​
31 Sa turba poi los riprendiat, qui si caglierent. Ma​
ipsos pius abboghinaiant, narende: Segnore, tene cumpassione de nois,​
o fizu de Davidde.​
32 Et Jesus si firmesit, et los jamesit, et narat: Ite​
cherides qui eo bos facta ?​
33 Li narant: Segnore, qui s' abberzant sos ojos​
nostros.​
34 Movidu poi Jesus ad cumpassione de ipsos, tocchesit​
sos ojos ipsoro. Et subitu bidesint, et lu sighesint.