CAPITULU XVII.

ET pustis de sex dies Jesus 1eesit a Pedru, et Jacobu,
et Johanne, frade sou, et los juttesit separadamente
ind' unu monte a1tu.
2 Et si est transfiguradu dainanti ipsoro. Et risp1endesit
sa cara sua comente unu sole: sos bestires
suos però si sunt factos biancos comente nie.
3 Et ecco qui cumparzesit ad ipsos Moyses, et E1ias
qui faeddaiant cum ipse.
4 Rispondende però Pedru, nesit a Jesus : Segnore,
est cosa bona su esser nois inhoghe: si queres, factemus
inhoghe tres tabernacu1os, unu a tie, unu a Moyses, et
unu ad Elias.
5 Mentras ipse faeddaiat, ecco una nue risplendente
los coberesit. Et ecco una boghe de sa nue, nende :
Custu est su fizu meu dilectu, in su quale bene mi so
compiaghidu: iscultade ad ipsu.
6 Et iscultende sos discipulos ruesint a faccia a terra
et timesint meda.
7 Et s' acculziesit Jesus, et los tocchesit, et lis nesit :
Pesade et non querfedas timire.
8 A1zende però sos ojos ipsoro, a niune bidesint, si
non su solu Jesus.
9 Et essende ipsos falados dai su monte, Jesus lis
cumandesit, nende: Non narzedas a niune sa visione,
finzas qui su fizu de s' homine non resuscitet dai sos
mortos.
10 Et lu preguntesint sos discipulos, nende: Proite
edducas sos Iscribas narant, qui bizonzat primu de benner
Elias ?
11 Ma ipse rispondende lis narat : Elias certamente
devet bennere, et hat a restituire totu sas cosas.
12 Naro però a bois, qui Elias ja benzesit, et non
l' hant connoschidu; ma factesint de ipsu totu cuddu qui
hant querfidu. Gasi et totu su fizu de s' homine hat a
suffrire da ipsos.
13 Tando sos discipulos cumprendesint, qui lis haiat
faeadadu de Johanne Baptista.
14 Et essende bennidu ad sa turba, si accostesit ad
ipsu un' homine imbenujadu innantis sou, nende: Segnore,
tene cumpassione de fizu meu, proite est lunaticu,
et suffrit male: proite qui a boltas ruet jn su f(ogu, et
frequentemente in s' abba.
15 Et l'hapo presentadu ad sos discipulos tuos, et
non l' hant potidu curare.
16 Rispondende però Jesus narat: O generatione
incredula, et perversa, et fina a quando dep' esser cum
bois ? et fina a quando bos hap’ a suffrire ? Battidelu
inhoghe a mie.
17 Et lu brighesit Jesus, et bessesit da ipsu su demoniu,
et istesit curadu su piccinnu dai cuss' hora.
18 Tando si acculziesint sos discipulos ad Jesus in
segretu, et nesint: Proite nois non l' hamus potidù
bogare ?
19 Lis rispondesit Jesus: Pro s' incredulidade bostra.
De verax però bos naro: Si haizis sa fide comente i su
ranu de sa lassana, diazis narrer ai custu monte: Passa
da inhoghe ad incuddae, et diat passare; et niente impossibile
bos diat essere.
20 Custu genere però non si cazzat, si non per mesu
de s' oratione, et deunzu.
21 Tractenzendesi però ipsos in Galilea, lis nesit
Jesus: Su fizu de s' homine si devet intregare in sas
manos de sos homines.
22 Et l' hant a bocchire, et in sa terza die hat a resuscitare.
Et si sunt contristados meda.
23 Et essende bennidu in Capharnaum, si accostesint
cuddos qui esigiant su didrachma a Pedru, et li nesint :
Su Mastru bostru non pagat su didrachma ?
24 Narat: Emmo. Et essende intradu in domo, lu
prevenzesit Jesus, nende : Ite ti paret, Simone ? Sos
res de sa terra dai quie leant su tributu, o su censu ?
Dai sos fizos suos, o dai sos anzenos?
25 Et ipse nesit: Dai sos anzenos. Li nesit Jesus :
Edducas sos fizos sunt esentes.
26 Però pro non los iscandalizare, bae ad mare, et
betta s' hamu; et lea cuddu pische qui primu hat alzare :
et abberzende sa bucca sua, has a incontrare unu statere :
leandelu, dalu ad ipsos pro me, et pro te.​