IN cussu tempus intendesit Herodes tetrarcha sa fama
de Jesus:
2 Et narzesit ad sos servidores suos: Custu est
Johanne Baptista : ipse est resuscitadu dai sos mortos,
et pro custu sos miraculos si operant in ipsu.
3 Proite qui Herodes tenzesit a Johanne, et lu
lighesit: et lu ponzesit in presone pro causa de Herodiade
muzere de su frade sou.
4 Proite qui li naraiat Johanne : Non ti est licitu de
tenner ad ipsa.
5 Et querfendelu bocchire, timiat su populu: proite
lu teniant comente unu Propheta.
6 In sa die però de sa naschida de Herode, ballesit in
mesu sa fiza de Herodiade, et piaghesit ad Herode.
7 Pro cussu cum juramentu li promittesit de li dare
totu quantu cuddu qui diat dimandare da ipsu.
8 Ma ipsa advertida dai sa mama sua: Dami, nesit,
inhoghe iu custu piattu sa conca de Johanne Baptista
9 Et si annuzesit su re: ma pro su juramentu, et
pro cuddos, qui cumpare fint cumbidados, cumandesit de
bi la dare.
1O Et mandesit, et iscabitesit a Johanne in sa presone.
11 Et fuit portada sa conca sua in su piattu, et est
istada dada ad sa pisedda, et la presentesit ad sa mama
sua.
12 Et essende andados sos discipulos suos, leesint su
corpus sou, et lu interresint, et benzende lu annunziesint
a Jesus.
13 Sa quale cosa hapende intesu Jesus, si qu' andesit
per barca ind' unu logu desertu separadu: et hapendelu
intesu sa turbas, lu sighesint a pè dai sas cittades.
14 Et bessende bjdesit meda turba, et si appenesit de
ipsas, et curesit sos malaidos ipsoro.
15 Factusi però serina, si accostesint sos discipulos
suos, nende: Su logu est desertu, et i s' hora est ja
passada: dispaccia sas turbas, a tales qui andent in sos
casteddos pro si comporare alimentos.
16 Jesus però lis nesit: Non tenent bisonzu de andare,
dadelis bois a mandigare.
17 Li rispondesint: Non hamus inhoghe si no
quimbe panes, et duos pisches.
18 Su quale narat: Battidelos a mie inhoghe.
19 Et hapende cumandadu ad sa turba de si sezzere
subra su fenu, leados 'sos quimbe panes, et i sos duos
pisches, abbaidende ad su chelu beneighesit, et seghesit,
et desit sos panes ad sos discipulos ; sos discipulos poi ad
sas turbas.
20 Et mandighesint totu, et si sunt attatados:
arregogliesint doighi isportinos pienos de sos avanzos.
21 De sos qui mandigaiant però fuit su numeru de
quimbe miza homines, senza sas feminas, et i sos
piseddos.
22 Et subitu forzesit Jesus sos discipulos ad intrare
in sa barca; et lu colare ai cudd' ala de su mare, finzas a
dispacciare sas turbas.
23 Et dispacciada sa turba, alzesit solu in su monte
pro pregare. Et factusi sero, restesit solu in cuddae.
24 Sa barca però si agitaiat in mesu de su mare dai
sas undas: proite fuit contrariu bentu.
25 Però ad sa quarta vigilia de sa nocte, benzesit ad
ipsos caminende subra su mare.
26 Et bidendelu subra su mare caminende si sunt
turbados, nende. Custu est unu fantasma. Et pro
paura abboghinesint.
27 Et subitu Jesus faeddesit ad ipsos, nende : Tenide
animu: eo so, non querfedas timire.
28 Rispondende però Pedru nesit : Segnore, si ses tue,
cumandami de benner ad tie subra sas abbas.
29 Ma ipse nesit: Beni. Et falende Pedru dai sa
barca, caminaiat subra s' abba pro bennere ad Jesus.
30 Bidende però su bentu forte, timesit : et principiende
ad s' affungare, ticchirriesit, nende : Segnore,
faghemi salvu.
31 Et subitu Jesus tendende sa manu, l' afferresit, et
li narat: De paga fide, et proite has dubitadu ?
32 Et essende alzados ad sa barca, cessesit su
bentu.
33 Cuddos però qui nlint in sa barca, benzesint, et lu
adoresint, nende: Veramente ses fizu de Deus.
34 Et hapende passadu su mare, benzesint in sa terra
de Genesar.
35 Et hapendelu connoschidu sos homines de cussu
logu, mandesint peri totu cussu paesu, et li presentesint
totu sos malaidos.
36 Et lu pregaiant, qui ad su mancu toccherent s' ala
de su bestire. Et totu cuddos qui lu toccaiant, fint .
factos sanos.