CAPITULU I.

   LIBRU de sa generatione de Jesu Christu fizu de
David, fizu de Abraham.
2. Abraham generesit ad Isacu: Isacu generesit a
Jacobe: Jacobe generesit a Judas, et i sos frades suos.
3. Judas generesit a Phares, et a Zara dai Thamar:
Phares generesit ad Esron: Esron generesit ad Aram.
4. Aram generesit ad Aminadab : Aminadab generesit
a Nasson: Nasson generesit a Salmon. .
5. Salmon generesit a Booz dai Rahab : Booz generesit
ad Obed dai Ruth: Obe generesit a Jesse: Jesse generesit
a David re.
6. David re generesit a Salamone dai cudda qui fuit
de Uria.
7. Salamone generesit a Roboamu: Roboamu gene-
resit ad Abia: Abia generesit ad Asa.
8. Asa generesit a Josafat: Josafat generesit a Joram :
Joram generesit ad Ozia.
9. Ozia generesit a Joatham : Joatham generesit
ad Achaz : Achaz generesit ad Ezechia.
10. Ezechia generesit a Manasse: Manasse generesit
ad Amon: Amon generesit a Josia.
11. Josia generesit a Jechonia, et i sos frades suos
in sa trasmigratione de Babilonia.
12. Et pustis de sa trasmigratione de Babilonia
Jechonia gelleresit a Salatiel: Salatiel generesit a Zorobabel.
13. Zorobabel generesit ad Abiud: Abiud generesit
ad Eliacim: Eliacim generesit ad Azor.
14. Azor generesit a Sadoc: Sadoc generesit ad
Achim: Achim generesit ad Eliud.
15. E1iud generesit ad Eleazar: Eleazar generesit a
Mathan : Mathan generesit a Jacobe.
16. Jacobe generesit a Juseppe homine de Maria: dai
sa quale naschesit Jesus, qui si jamat Christus.
17. Totas edducas sas generationes dai Abrahamu
finzas a David battordighi genenerationes : et dai David
finzas ad sa trasmigratione de Babilonia battordighi
generationes : et dai sa trasmigratione de Babilonia finzas
a Qhristus battordighi generationes.
18. Sa generatione poi de Christus fit gosi: Essende
istada isposada sa mama sua Maria dai Juseppe, innantis
qui viverent cum pare, s' incontresit raida dai s' Ispiritu
Sanctu.
19. Juseppe però maridu sou essende justu, et non
querfendela infamare, la queriat segretamente dispacciare.
20. Custas cosas però ipse pensende, ecco qui s' An-
ghelu de su Segnore li cumparzesit in sognu, nende :
Juseppe, fizu de David, non timas de leare a Maria
muzere tua: proite su qui in ipsa est concebidu, est de
s' Ispiritu Sanctu.
21. Si hat a illierare però de unu fizu: et has a
jamare su nomen sou Jesus: proite ipse hat a fagher
salvu su populu sou dai sos peccados suos.
22. Totu custu poi si est factu a tales qui si cumpleret
su qui est istadu nadu dai su Segnore per mesu de su
Propheta, nende :
23. Ecco qui sa Virgine det, esser raida, et sihat a
illierare de unu fizu: et hant a jamare su nomen sou
Emanuele: su quale est interpretadu Deus cum nois.
24. Ischidendesi però Juseppe dai su sonnu factesit
comente li cumandesit s' Anghelu de su Segnore, et lesit
sa muzere sua,
25. Et non la connoschiat finzas qui s' illieresit de su
fizu sou primogenitu: et jamesit su nomen sou JESUS.​