​In sardu li naran' "sa fabbrica", l'han' fatta suta sos Savoia po fagher' paberi, ma, a poi de annos de tribagliu (da su 1809 a su 1816, sigundu sos documentos) no est intrada mai in funzione e l'han' abbandonada. Si tratat, in effeti, de de sa prima CATEDRALE IN SU DESERTU chi hepan' fattu in Sardigna. S'agatad' in campagna aberta iin d'un'adde tra sos Comunes de Tresnuraghes e Sinnariolo, propriu suta sos "montes" de SANTU MALCU e de SANTA 'ITTORIA. Cun bona probabilidade su logu est istadu seberàdu ca est vicinu a su RIU MANNU chi, in cussu tempus, deviat esser' navigabile.

Sa parte interna nd'est ruta mancari resten' sos muros esternos, sos balcones, sos arcos e una galleria de 40 metros. Oramai che risultad' ingulta da sa vegetazione chi bi creschet rigogliosa siat a s'internu che in tundu (dende su sensu 'e s'abbandonu). Su cuntestu est suggestivu e dd'est foltzis po custu motivu chi tenet s'impressione de s'agatare de fronte a ruìnas pius antigas, ligadas a un'epoca pius lontana. A pagos metros da SA FABBRICA, difatis, si b'agatan' sos FURRIGHESOS, chi faghen' de distimonzu de sa presenzia 'e s'homine in cussu logu finas da s'antighidade pius antiogoria.

​

S'AGATAT a 7 chilometros da sa 'idda, tocat de sighire sa segnaletica po sa CREJA 'e SANTU MALCU e, primu de arrivare a sa creja, s'agatad' unu biviu a manu manca, in direzione de s'Agriturismu 'e SU LACCHEDDU. Sa FABBRICA si biet da s'istrada e si bi podet imbater' a pé!

 

 

 

 

 

 

 

 

de SA FABBRICA 'e SANTU MALCU si faeddat finas in: