Su Titulu de RE 'E SU MUNDU, intesu in su sensu pius elevadu, pius cumpletu e pius rigorosu, 'enid' atribuidu propriamente a Manu, su Legisladore primordiale e universale, su nomen' de su cale s'agatat, suta nomenes divrescios, in paritzas "sagas" de numerosos populos antigos; a custu propositu ammentamos su Mina (o Menes) de sos Egizios, su Menw de sos Celticos e su Minosse de sos Gecos. Tale nomen, de su restu no si podet dare a una pessone istorica o a una pessone de sa PARISTORIA. In realtade disignat unu PRINCIPIU, s'INTELLIGENZIA COSMICA chi riflitid' sa LUGHE ISPIRITUALE PURA e formulat sa LEGGE (Dharma) proprias de sas conditziones de su mundu nostru o de su "ciclu de esistenzia" chi semus connoschinde; issu est in su cuntempus s'ARCHETIPU de s'homine cunsideradu in cantu est un essere chi pensat (in sanscrito mânava). 

Po s'ateru, inoghe est importante su 'e fagher' rilevare chi tale principiu podet esser' resu manifestu da unu CENTRU ISPIRITUALE istabilidu in su mundu, da un' organizzazione incarrigada a custodire su depositu de sa TRADIZIONE SACRA, de origine «no' umana»  (apaurushêya), po mes' 'e sa cale sa SAPIENTZIA PRIMORDIALE si comunicat tramite sas epocas a sos chi sun' in gradu 'e la retzire. Su cabu de tal' organizzazione, in cantu rapresentat a MANU matessi, hat a poder' esibire sos titulos e sos atributos; poi, dadu su gradu 'e connoschentzia chi devet haer' acquisidu po poder' esercitare sa funzione sua, si identificat cun su principiu de su cale est s'espressione umana e in dananti 'e su cale s'individualidade sua isparit. Gai est po s'AGARTHA, si custu CENTRU hat accoltu, comente narat Saint-Yves, s'eredidade de s'antiga ​« DINASTIA SOLARE » (Sûrya-vansha) chi istaiad' unu tempus in Ayodhyâ e faghiat torrare sa propria origine a Ayodhyâ​, su Manu de su ciclu attuale.

Saint-Yves, però no' cunsiderat su "cabu supremu" de s'Agartha comente « Re 'e su mundu », lu presentat comente « Soberanu (Re) Pontefice » e lu ponet a cabu de una « Creja brâhmanica  », disignazione chi arrivat da una cuncezione unu pagu tropu occidentalizzada. A parte cust'ultima riserva, su chi narat cumpletat cantu hat nadu OSSENDOWSKI; Si diat a poder' narrer' chi dogn'unu 'e sos duos hepat bidu solu s'aspettu chi pius currispondet a sas proprias tendenzias e preoccupaziones dominantes, in veridade si tratat de unu doppiu podere, regale e sacerdotale.

Su carattere « pontificale », in su sensu pius beru chi custa paraula tenet, apaltened' a su CABU de sa GERARCHIA INIZIATICA, e custu, in calchi modu, dimandat un'ispiegazione: Su Pontifex est unu chi ​« fraigat pontes », e, custu titulu romanu est in calchi modu, po s'origine sua, unu titulu ​« massonicu »; ma simbolicamente, su PONTIFEX est su chi adempit sa funzione de mediadore ca istabilit sa comunicazione e sa relazione tra custu mundu e sos mundos superiores (ma finas inferiores .... dia aggiungher').

In sa latinidade, s'unione de sos duos poderes, "regale & sacerdotale", fu' 'apresentadu da unu tzelt' aspettu de su Simbulismu 'e Janus, simbulismu estremamente cumplessu e de significados molteplices; SAS GIAES (de oro e de prata) figuraian' in tale cuntestu, sos duos "cuminzamentos" currispondentes. Si tratat, po la narrer' comente la naran' sos INDU', de su caminu 'e sos Brâhmani e de su 'e sos Kshatriya; ma a sa summidade de sa gerarchia, s'arrivat a su principiu cumone da inue sos uno e sos ateros traen' sos atributos issoro, pius a dananti de sa distinzione issoro, ca inie est sa surgent' 'e dogni AUTORIDADE LEGITTIMA, in calesisiad' ambitu si potat esercitare; e, sos cuminzados de s'AGARTTHA sun' ATIVARNA, cioè ​« ater'ala de sas castas », pius a dananti. In su Medioevo b'haiad' un' espressione chi riuniat in se sos duos aspettos cumplementares de s'autoridade, chi, in calchi modu, balet sa pena de sutallineare: In cussu tempus si faeddaiat de una "cuntrada misteriosa" chi narian' ​​« rennu de su PREDI GIUANNE ». Fu' su tempus chi, sa chi podimos disignare comente ​« cobeltura esteriore » de su Centru supremu fu costituida, in bona parte, da sos NESTORIANOS e da sos SABEOS; Propriu a custos ultimos si daiat su nomen de ​«Mendayyeh di Yahia», o ​«ischentes de su Predi Juanne».