Su SIMBULU – forma piùs semplice e piùs incosciente de s'associazione mentale – est antigu cant' 'e s'homine. Finas da su primu istadio de sas civiltades sas zentes ubidin' a un'intimu protzedimentu chi, da sa percezione sensibile de un'idea arrivad' a sa cuncezione de sa REALTADE PERCETIBIL' & CUNCRETA, traduindesi in "sinnos materiales" e "medios raprentativos".

S'aprendimentu est cosa chi interessat sos sinnos, sun' issos, difatis, chi 'apresentan' sa signific'azione comunicativa de 'ogni tempus.



Aprender' cheret narrer', a primu 'e totu, cunsiderare una materia, una cosa o un'essere, comente si emtteran' sinnos de interpretare e de decifrare.

Dogni attu de s'apprendimentu est susseghiresi de sinnos cunvenzionales e geroglificos chi determinan' su codice 'e su sistema de sa produzione e su valore de sa comunicazione. Sa limba e sos sonos foneticos de sas paraulas chi articulan su limbazu no si fuin' a custa determinazione.