ESSENDE edducas naschidu Jesus in Bethlehem de
Juda in sas dies de su re Herodes, ecco qui sos
magos dai s' oriente benzesint a Jerusalem,
2 Narzende : Ue est su naschidu Re de sos Judeos ?
hamus bidu s'istella sua in s'oriente, et semus bennidos a
lu adorare.
3 Intendende però su re Herodes si est turbadu, et
tota Jerusalem cum ipsu;
4 Et cungreghende totu sos principes de sos sacerdotes,
et sos iscribas de su populu, dimandaiat ad ipsos
ue Christus deveret nascher.
5 Ma ipsos li rispondesint: In Bethlehem de Juda :
proite qui gosi est iscriptu dai su Propheta ;
6 Et tue Bethlehem, terra de Juda, non ses sa minima
inter sos prjncipes de Juda : proite dai te hat a bessire su
capitanu, qui hat a reggere su populu meu Israele.
7 Tando Herode, jamadu a cua sos magos, diligentemente
s' informesit da ipsos de su tempus de s' istella qui
lis cumparzesit.
8 Et mandadolos in Bethlehem, nesit: .Andade et
dimandade deligentemente de custu piccinnu; et da qui
lu dezis incontrare faghidemilu ischire, a tales qui eo
ande pro lu adorare.
9 Sos quales hapende intesu su re, sind' andesint : et
ecco s'istella qui haiant bidu in oriente, andaat innantis
finzas qui andende istesit subra, ue fit 'su piccinnu.
10 Bidende però s' istella si sunt allegrados cum gosu
meda mannu.
11. Et intrados a sa domo incontresint su piccinnu
cum Maria mama sua: et inclinendesi lu adoresint: et
abbertos sos tesoros ipsoro li offerzesint regalos, oro,
incensu et mirra.
12 Et hapende recidu sa risposta in su sognu de non
torrare ad Herode per atera via si que torresint in su
paesu ipsoro.
13 Sos quales appena partidos, ecco s'Anghelu de su
Segnore cumparzesit in sognu a Juseppe, nende: Pesa, et
lea su piccinnu, et i sa mama sua, et fui in Egiptu,
et firma in cuddae finzas qui ti l’ hap' a narrer.
Proite qui Herode est pro chircare su piccinnu pro lu
perdere.
14 Su quale ischidendesi leesit su piccinnu, et i sa
mama sua a de nocte, et si ritiresit in s' Egiptu.
15 Et istesit in cuddae finzas a sa morte de Herode, a
tales qui si cumpleret su qui est istadu nadu dai su
Segnore per i su Propheta nende : Dai s' Egiptu hapo
Jamadu su fizu meu.
16 Tando Herode bidendesi d'esser istadu burladu
dai sos magos, si airesit meda, et mandesit a bocchire totu
sos piccinnos qui fint in Bethlehem, et in totu sos confines
suos, dai duos annos in basciu, segundu su tempus qui
haiat iscobertu dai sos magos.
17 Tando si est cumplidu su qui est istadu nadu dai
Jeremia Propheta nende,
18 Una boghe si est intesa in Rama, piantu, et toroju
mannu: Rachele pianghende sos fizos suos, et non si
querfesit consolare, proite ipsos non sunt plus.
19 Mortu però Herode, ecco s' Anghelu de su Segnore
cumparzesit in sognu a Juseppe in s' Egiptu :
20 Nende: Pesa, et lea su piccinnu et i sa mama sua,
et bae in sa terra de Israele: proite sunt mortos cuddos
qui chircaant s' anima de su piccinnu.
21 Su quale ischidadusi, lesit su piccinnu, et i sa
mama sua, et benzesit in sa terra de Israele.
22 Ma hapende intesu qui Archelau regnaiat in sa
Judea pro Herode babbu sou, timesit de andare a in
cuddae, et advertidu in sognu, si ritiresit in sas partes de
sa Galilea.
23 Et benzende habitesit in sa cittade qui si narat
Nazareth: pro si verificare su qui s' est nadu dai sos
Prophetas: Proite si hat a jamare Nazareu.