CAPITULU XVI.

   ET si accostesint ad ipsu sos Phariseos, et Sadduceos
tentende: et lu preghesint pro qui lis ammustreret
unu signale dai su Chelu.
2 Ma ipse rispondende lis nesit: Da qui si faghet
sero narades : su tempus hat' esser serenu ; proite su
chelu est rujastru.
3 Et i su manzanu: Hoe faghet tempesta ; proite su
chelu imbujadu si faghet ruju.
4 Edducas podides distingher sa faccia de su chelu :
su signale poi de sos tempos non podides ischire ? Sa
generatione mala et adultera quircat unu si,gnale; et si-
gnale non si li hat a dare, si non su signale de Jona
propheta. Et laxendelos si que andesit.
5 Et essende bennidos sos discjpulos suos ad s' atera
ala de su mare, si sunt ismentigados de leare sos panes.
6 Su quale lis nesit: Mirade, et guardade dai su
fermentarzu de sos Phariseos, et de sos Sadduceos.
7 Ma ipsos pensaiant intro de se, nende : Proite qui
non hamus leadu sos panes.
8 Ischende però Jesus, nesit: Ite pensades inter bois
de paga fide, proite non hazis leadu sos panes ?
9 Ancora non cumprendides, nè bos ammentades de
sos qujmbe panes in sos quimbe mjza homines, et quantos
isportinos arregogliezis ?
10 Nè de sos septe panes in battor miz' homines, et
quantos isportinos arregogliezis ?
11 Proite non cumprendides, qui de pane non bos
hapo, faeddadu : Bardade dai su fermentarzu de sos
Phariseos, et de sos Sadduceos.
12 Tando cumprendesint, qui non haiat nadu de si
bardare dai su fermentarzu de sos panes, ma dai sa doetrina
de sos Phariseos, et de sos Sadduceos.
13 Benzesit poi Jesus in sas partes de Cesarea de
Philippu; et dimandaiant sos discipulos suos, nende :
Quie narant sos homines d' esser su fìzu de s' homine ?
14 Ma ipsos narzesint: Ateros Johanne Baptista ;
ateros però Elia, ateros però Jeremia, o unu de sos
Prophetas.
15 Lis narat Jesus: Bois però quie nades qui eo sia?
16 Rispondende Simone Pedru nesit: Tue ses
Christu, fìzu de su Deus vivu.
17 Rispondende poi Jesus, li nesit : Beadu ses Simone
Bar-Jona: proite sa carre, et i su samben non ti
hat riveladu, ma su Babbu meu qui est in sos Chelos.
18 Et eo ti naro, qui tue ses Pedru, et subra custa
pedra hap' a fraigare sa Ecclesia mia, et i sas portas de
s' inferru non hant a prevalere contra ipsa.
19 Et a tie hap' a dare sas claes de su regnu de su
Chelu, et totu su qui has a ligare subra sa terra, det
esser ligadu et in sos Chelos, et totu cuddu qui has a
isolvere subra sa terra, det esser isoltu et in sos Chelos.
20 Tando cumandesit ad sos discipulos suos, qui non,
narzerent a niunu, qui ipse esseret .Jesu Christu.
21 Dai pustis Jesus cominzesit ammustrare ad sos
discipulos suos, qui bisonzaat ad ipsu de andare a Jerusalem,
et medas cosas patire dai sos Seniores, et iscribas,
et dai sos Principes de sos Sacerdotes, et esser bocchidu,
et in sa terza die d' esser resuscitadu.
22 Et leendelu Pedru, lu cominzesit a brigare, nende:
Siat lontanu dai te, Segnore : non det esser a tie custa
cosa.
23 Su quale boltadu a Pedru, nesit: Bae dae me,
Satanassu; mi ses de iscandalu; proite non cumprendes
custas cosas, qui sunt de Deus, ma cuddas cosas, qui
sunt de sos homines.
24 Tando Jesus nesit ad sos discipulos suos: Si
qualcunu queret benner fattu meu, rinneghet ad ipsu
matepsi, et leet sa rughe sua, et mi sigat.
25 Proite quie hat a querrer fagher salva s' anima
sua, l' hat a perdere: quie però hat a perder s' anima sua
pro me, l' hat a incontrare.
26 Proite qui ite li juat ad s' homine, si lucreret totu
su mundu, s' anima sua però suffrat detrimentu ? o quale
cambiu hat a dare s' homine pro s' anima sua ?
27 Proite qui su fizu de s' homine hat a benner in sa
gloria de su Babbu sou cum sos Anghelos suos: et tando
hat a dare ad ognunu segundu sas operas suas.
28 In veridade naro a bois: Sunt certos de sos qui
inhoghe sunt presentes, qui non hant assazare sa morte,
finzas qui bidant su Fizu de s' homine intrende in su
regnu sou.